NAGPAHIGAYON ang City Tourism and Cultural Affairs Office, uban ang City Museum of Cagayan de Oro and Heritage Studies Center, sa usa ka ritwal nga ginganlan og ‘Pamuhat’ nunot sa National Indigenous People’s month, Oktubre 29, diha sa City Museum, ning siyudad.

 

Gihalad ang siyam ka manok diin nangulo sa ritwal sila si Baylan Painato sa Barangay Cugman, Baylan Sumagayan Malinda sa Barangay Tumpagon ug Baylan Sayungan sa Barangay F.S. Catanico.

 

Misalmot usab sa ritwal sila si City Social Welfare and Development Department IPs Focal Person Nena “Bae Rose” Lumandong ug Gender and Development- Creative Sector & IPs Coordinator Kirby “Dodu” Abrio sa City Gender and Development Office.

 

Gawas sa ritwal, adunay gitukod nga exhibit sa gallery ang City Museum diin gipasundayag ang nagkadaiyang karaang kagamitan sa mga Higaonon Indigenous Cultural Communities ning siyudad.

 

Kini nga exhibit gisuportaran sa National Commission on Indigenous People Region 10 ug Philippine Army’s 4th Infantry (Diamond) Division (4ID).

 

Nasayrang ang maong kalihokan gipahigayon nunot sa kasaulogan sa National IPs month nga gisaulog matag bulan sa Oktubre.

 

Kini na usab ang ikaduhang tuig sa maong ritwal kansang tumong nga madugangan ang proteksyon sa siyudad batok sa bisan unsang kalamidad. (NLB/CIO/photos courtesy of Dodu Abrio and Rhafael Jabongga/City Museum)