MISALMOT ang 65 ka civil society organizations gikan sa nagkadaiyang sector sa gipahigayong annual general assembly nga gipangulohan sa City Planning and Development Office, Department of Interior and Local Government (DILG) - Cagayan de Oro City ug Office of the Sangguniang Panlungsod (City Council), Nobyembre 27, diha sa City Tourism Hall, ning siyudad.

 

Atol sa kalihokan gihisgotan ang kabahin sa rationalization sa planning process lakip ang milestones sa City People’s Organization sa LGU-CDO.

 

Samtang, gipili usab ang bag-ong City People’s Organization (CPO) Officers kinsa gipangulohan sa bag-ong president nga si Queritess Q. Queja sa Cagayan de Oro Chamber of Commerce & Industry Foundation, Inc.

 

Natapos ang kalihokan pinaagi sa pagahin sa mga nagkadaiyang sector sa 2025 Action Plan.

 

Tumong sa maong annual general assembly nga madunggan ang mga accomplishment, mga panginahanglanon ug updates sa matag CSO.

 

Lakip na usab ang plano sa mosunod nga tuig. (NLB/CIO/photos by Jenna Marie R. Jabonillo, Janine Kylie T. Obnimaga, France P. Abao, Shennie Babe A. Mabao and Rechel Jane C. Quinit/Bugo National High School Students)