MISALMOT si City Mayor Rolando 'Klarex' Uy sa usa ka adlaw nga pagbansay sa mga local chief executives (LCEs) sa Northern Mindanao kabahin sa kurso sa Disaster Risk Reduction and Management (DRRM), Nobyembre 28, 2025 nga gipahigayon sa usa ka hotel ning syudad.

 

Ang kalihokan gipaluyohan sa Office of Civil Defense Region 10 sa pagpangulo ni OCD Regional Director Antonio B. Sugarol sa tuyo nga ma-edukar ang mga LCEs sa legal bases ug mga batakang prinsipyo ug konsepto lambigit sa DRRM.

 

Kini kabahin sa pagpamatuod sa kaakohan sa kagamhanang lokal sa Cagayan de Oro ubos sa administrasyon ni Mayor Klarex Uy, tibuok burukrasya sa city hall pinaagi sa CDRRMD sa pagpanguna ni CDRRMD Chief Nick Jabagat alang sa pagpangandam sa unsa mang katalagman nga peligrong mohapak sa komunidad. (AGP-CIO/Photos by April Darlene Lorenzana-CMO)