Napili nga Best BADAC ang Barangay Lapasan sa gipahigayon nga Search for Best Barangay Anti-Drug Abuse Council (BADAC) 2025 alayon sa bag-ohay lang natapos nga Drug Abuse Prevention and Control (DAPC) Month nga gipasiugdahan sa Cagayan de Oro City Anti-Drug Abuse Council (CADAC) nga gipangulohan ni Mayor Rolando `Klarex’ Uy.

 

Nakuha s Brgy Lapasan ang P40K cash uban ang plaque diin si Punong Barangay Julito D. Ogsimer ug mga miyembro sa konseho sa barangay ang midawat sa pasidungog ug sa premyo.

 

Lakip sa mga gipasidunggan ang Barangay Balulang nga nahimong 1st-runner nga nakadawat og P25K cash, ug plaque; Barangay Bayabas 2nd-runner (P20K ug plaque), samtang 3rd-runner up usab ang Barangay Camaman-an nga adunay premyo nga P15K ug plaque.

 

Nunot niini, gipahalipayan ug gipasalamatan ni Mayor Klarex ang tanang opisyales sa mananaog nga mga barangay tungod sa ilang paningkamot ug pagpatuman sa kampanya batok gidiling druga diha sa ilang tagsa-tagsa ka mga barangay.

 

Lakip sa gipasalamatan ni Mayor Klarex ang mga personahi sa City Anti-Drug Abuse Division – Oro Wellness Center sa pagpangulo ni Sunny Rae Cahayag nga hugtanong nagpatuman sa mga programa sa CADAC inabagan sa mga stakeholders ug partner agencies. (ALR/CIO/Photos from CADAD-Oro Wellness)