MAPASIGARBUHONG gitapos sa Cagayan de Oro City Anti-Drug Abuse Council (CADAC) sa pagpangulo ni Mayor Rolando `Klarex’ Uy ang kasaulogan sa Drug Abuse Prevention and Control (DAPC) Month 2025 bag-ohay lang uban sa tema’ng “Sa Bagong Pilipinas, Kalusugan ay Pahalagahan, Droga ay Inaayawan (Pagpakabana, Panaghiusa --- Sugdi sa Kaugalingon, STOP the CYCLE)”.

 

Nagkadaiyang kalihokan ang gipahigayon sulod sa usa ka bulan nga selebrasyon diin gitapos sa City Anti-Drug Abuse Division – Oro Wellness Center (CADAD – Oro Wellness) ang pagpasidungog sa Top 5 Community-Based Drug Rehabilitation Program (CBDRP) Managers 2025.

 

Sila mao si Mr. Rolyen P. Vallespin (Brgy. Balulang); Ms. Ceres S. Josol (Brgy. Bayabas), Ms. Carmen S. Arsenal (Brgy. Carmen); Ms. Rosemari A. Bustero (Brgy. Lapasan); ug Ms. Marivic B. Ravidas (Brgy. Agusan).

 

Samtang ang Top 5 sa Booth Display Contest mao ang Brgy. Tignapoloan; Brgy. Bayabas, Brgy. Gusa, Brgy. Carmen, ug Brgy. Agusan.

 

Mikampeyon usab sa variety show contest ang Barangay Bulua, 1st runner-up ang Barangay Carmen, ug 2nd runner-up ang Brgy. Camaman-an.

 

Sa susamang higayon, giila ug gipasidunggan sa CADAC ang tanang stakeholders, partner agencies, sponsors ug ang tanan nga nagpaluyo ug nagtabang sa kampanya ug programa sa syudad batok sa gidiling druga.

 

Si Mayor Klarex nanghinaut nga magpabilin ug magpadayon ang pagsuporta ug pagtinabangay alang sa maong programa aron makab-ot ang tinguha sa drug-free city. (ALR/Photos from CADAD and Reynan Baylin/CIO)