GARBO sa siyudad human migradwar ang lima ka empleyado sa city hall sa Public Service Value Chain program sa Development Academy of the Philippines, adlaw’ng Lunes, Disyembre 1, nga gipahigayon sa kaulohan.

 

Ang mga migradwar gilangkoban nila ni Virgilio Tonido Jr. sa Office of the City Human Resource Management Officer, Mohammad Binladdin Andig sa City Budget Office, Cyril Kete Flores sa City Planning and Development Office, Jasmin Dales sa City General Services Department ug Ellaine Macatual sa City Legal Office.

 

Atol sa graduation, migahin usab sa ilang mga natun-an ug kasinatian sa training sila si Tonido Jr. ug Macatual.

 

Nasayrang ang maong training milungtad gikan sa bulan sa Hulyo hangtud bulan sa Nobyembre.

 

Gani man, atol sa ilang training sila naka-organize og programs ug trainings alang sa ilang napiling office beneficiary nga mao ang City Education and Development Office (CEDO).

 

Lakip sa ilang accomplishments ang pagmugna og Grade Monitoring Portal alang sa mga city scholars.

 

Samtang nagpahigayon usab sila og trainings sa Basic Customer Skills Training niadtong Oktubre 9 ug Psychological First Aid Training niadtong Oktubre 16 nga ilang gipahigayun alang sa mga empleyado sa CEDO. (NLB-CIO/photos courtesy of Yen Tonido-HRMO)