GIDAGSA sa katawhan ang katapusang People’s Day Program ni Mayor Klarex Uy sa tuig 2025, adlaw’ng Miyerkules, Disyembre 3, diha sa City Tourism Hall, ning siyudad.

 

Lakip sa mga batakang serbisyo nga natagamtaman sa People’s Day ang libreng check-up, tambal, wheelchair ug pagtubag sa mga inquiries kabahin sa scholarship, job application, late birth registration, renewal of business permit ug uban pa.

 

Anaa usab libreng lollipop alang sa mga gagmay’ng kabataan ug lima ka kilo nga bugas diin personal nga donasyon sa pamilya ni Mayor Klarex Uy.

 

Gawas sa pagpahigayon sa city hall, ang People’s Day ni Mayor Klarex Uy gidala usab sa nagkadaiyang kabaranggayan aron mahatagan og kahigayonan ang mga residente nga gustong mopadangat sa ilang mga hangyo ug suliran atubangan sa mayor diha mismo sa ilang tugkaran.

 

Ang People’s Day kabahin sa paningkamot ni Mayor Klarex nga mabati ug makita sa publiko ang serbisyong adunay kasing-kasing ug kalidad, nunot sa iyang tinguha nga mapaduol ang gobyerno ngadto sa katawhan, ug ang katawhan mapaduol ngadto sa gobyerno. (NLB/CIO/photos by Kim Zaldivar/CIO)