NAGTANYAG karon ang City Tourism and Cultural Affairs Office og libreng sakay sa 15 ka motorela nga gi-adornohan sa tema sa pasko.

 

Tumong sa 'Paskorela', usa ka inisyatiba nunot sa 'Pasko de Oro 2025', nga masinati ug mabati sa mga ordinaryong Kagayanon ang diwa sa pasko, bisan sa ginagmay'ng paagi, sumala ni Mark Kenneth Jalapadan, Acting City Tourism and Cultural Affairs Officer.

 

Ang libreng sakay sa motorela mapahimuslan sa publiko sugod Disyembre 10 hangtud Disyembre 12, gikan ala-1:00 hangtud alas-2:00 sa hapon, sa mosunod nga mga istasyon ug rota:

 

Station 1: Lourdes College atubangan sa city hall

rota: Divisoria - Capistrano - Tiano

 

Station 2: Xavier University

rota: Divisoria padulong Centrio Mall - Corrales

 

Station 3: Pabayo Street duol sa Bridge Hotel

rota: Nazareth ug Macasandig

 

Station 4: Gaisano KSY

rota: Gaisano - KSY - JRBGH (CIO photos by Tyrone Balhon)