BIENTE UNO (21) ka barangay sa Cagayan de Oro ang gipasidunggan sa City Peace, Development and Security Council (CPDSC) isip ‘Highly Functional Barangay Peace and Order Committees (BPOCs)’ tungod sa ilang dalaygon ug maayong performance sa pagpakgang sa kriminalidad ug pagpatunhay sa kahusay ug kalinaw sa ilang tagsa-tagsa ka komunidad.

 

Ang 21 ka BPOCs mao ang Barangay 38, Bugo, Carmen, Lapasan, Barangay 31, Barangay 8, Camaman-an, Patag, Iponan, Tablon, Nazareth, Barangay 34, Barangay 35, Barangay 36, Barangay 33, Barangay 5, Balubal, Barangay 22, Barangay 10, Balulang ug Kauswagan.

 

Ang pasidungog gitunol atol sa 4th Quarter Full Council Meeting sa CPDSC, Disyembre 10 sa City Tourism Hall nga gidumala ni City Councilor Roger Abaday, Chairman sa City Council Public Order and Safety, kauban si City Councilor Marlo Tabac, SK Federation President Kenneth John Sacala ug City DILG Director Ellaine Josephine Depaur. (CIO photos by Kim Zaldivar)