NAGPAHIGAYON ang City Health Office (CHO) og Nurses’ Orientation mahitungod sa Measles-Rubella Supplementary Immunization Activity (MRSIA) adlaw’ng Lunes, Enero 5, ning tuiga.

 

Ang maong orientation naghatag og kasayuran kalabot sa kamahinungdanon sa pagpugong sa measles- rubella, pag-ila sa target nga populasyon alang sa bakuna, ug paglatid sa hustong pagtipig, pag-andam, ug paghatag sa bakuna.

 

Kini gipasiugdahan sa City Health Office sa pakigtambayayong sa Department of Health (DOH).

 

Adunay ipahigayon nga kampanya sa pagbakuna karong Enero hangtod Pebrero isip kabahin sa Measles-Rubella vaccination campaign.

 

Ang temang 'Chikiting Luwas para sa Healthy Pilipinas, Sulong Kalusugan' gisang-at sa mga ahensya sa panglawas sa gobyerno isip suporta ug pag-awhag sa umaabot nga kampanya sa pagbakuna. (MDS-CIO/Photos Courtesy to CHO)