IPAHIGAYON ang Measles-Rubella Supplemental Immunization Activity (MRSIA) sugod karong Enero 19 hangtod Pebrero 13 ning tuiga sa nagkadaiyang lugar sa syudad. Kini gipangulohan sa City Health Office (CHO) sa pakigsandig sa Department of Health (DOH).

 

Gi-aghat ang mga ginikanan nga adunay mga anak nga nag-edad og unom (6) ka bulan hangtod upat (4) ka tuig ug onse (11) ka bulan nga dal-on ang ilang mga anak sa mga gitakdang fixed ug temporary vaccination posts sa ilang lugar aron mabakunahan batok sa measles ug rubella.

 

Gipahibalo usab nga libre ang maong bakuna ug gi-awhag ang mga ginikanan nga magpakabana sa kahimsog sa ilang gagmay’ng anak aron mapanalipdan sila batok sa maong mga sakit. (MDS/CIO/Infographic by: Sean Sistoso/CIO)