NAGPAHIGAYON ang mga myembro sa Cagayan de Oro Disaster Risk Reduction and Management Council (CDRRMC) og 4th quarter monitoring and evaluation (M&E) sa mga programa, proyekto ug activities (PPAs) subay sa Local Disaster Risk Reduction and Management Plan (LDRRMP) ug LDRRM Investment Plan (LDRRMFIP) alang sa tuig 2025, adlaw’ng Martes Enero 13.

 

Kini aktibong gisalmotan sa mga representante sa nagkadaiyang national government agencies, business sector, civic organizations ug uban pang myembro aron hiniusang masubay ang tanang malampusong gipatuman ingon man ang mga nagpadayong programa ubos sa DRRM-Climate Change Adaptation.

 

Gihingusgan ni CDRRMD Chief Nick Jabagat ang kamahinungdanon sa M&E aron mapalambo ang disaster preparedness, response, community resilience, ug kalig-on sa katakos sa pagbangon human sa paghapak sa unsa mang katalagman.

 

Mapasalamaton usab si City Administrator Atty. Roy Hilario Raagas sa hugot nga suporta sa matag buhatan aron mapalambo pa ang mga kalihokan sa DRRM sa syudad sanglit suportado usab kini ni City Mayor Rolando 'Klarex' Uy. (AGP/Photos by Iren Fuentes/CIO)