Dugang traffic lights ning syudad ang gisugdan nga mapabalik ug mahimong operational sa pagpangusog sa Roads and Traffic Administration (RTA) nga gihingusgan sa administrasyon ni Mayor Rolando `Klarex’ Uy.

 

Gipasabot ni RTA Dep’t Manager Nonito A. Oclarit nga nakig-coordinate sila sa Traffic Engineering Education and Enforcement Division lakip na sa posible nga pagkabalda sa dagan sa trapiko atol sa pag-repair.

 

Siya namahayag nga magpadayon ang pag-repair sa mga traffic lights bisan pa man sa nagkadaiyang mga hagit ug problema apan anaa ang commitment sa ilang buhatan aron mapalambo ang traffic management ug safety sa katawhan sa syudad.

 

Mahinungdanon nga mapabalik ang traffic lights aron malikayan ang mga aksidenti ug masiguro nga luwas ug efficient ang dagan sa mga sakyanan ug pedestrians ingon man mga intersections.

 

Ang mga lugar (traffic lights) nga nalakip sa repair ug restoration mao ang:

 

1. CM Recto Avenue - J.R. Borja Extension/ Coastal Road CM Recto Avenue - San Pedro Street CM Recto Avenue - Limketkai Avenue CM Recto Avenue - Osmena Street CM Recto Avenue - Don A. Velez Street CM Recto Avenue - Julio Pacana Street

 

2. Osmena Street Ramonal Street Osmena - Hayes Street J. Ramonal Street - Pres. Quirino Street

 

3. Capt. Vicente Roa Street - Hayes Street Corrales Avenue - Gen. A. Luna Street Corrales Avenue - J.R. Borja Street Don A. Velez Street - Gen. A. Luna Street

 

4. Tomasaco Street - Rodelsa Circle Don A. Velez Street - Fernandez Street

 

Tungod niini daghang mga problema ang masinati lakip na ang traffic congestion ug safety risks sa mga trabahante ug drivers, electrical ug technical difficulties sama sa faulty wiring o outdated components.

 

Alayon niini, gihangyo sa mga kadagkuan sa RTA ang pagsabot ug pasensya sa publiko, ilabina sa mga drivers, motorista ug pedestrian. (ALR/CIO/Infographic from RTA)