SA tinguha nga makatabang sa mga mag-uuma sa panahon sa ilang pagtanom, miabag ang City Agricultural and Productivity Operations Office (CAPPO) pinaagi sa pagpahulam sa tractor ubos sa Farm Mechanization Program nga gihingusgan ni CAPPO Dept Manager Engr Bernie Daba.

 

Ning bag-o lang nakapahimulos sa tractor services ang mag-uuma nga si Carmen Gayla diha sa Brgy Pagatpat diin mismo mga personahe sa CAPOO ang mitabang sap ag-ugmad sa iyang yuta alang sa preparasyon sa tingtanom.

 

Kahinumdoman nga 10 ka mga demo farms usab ang nakabenepisyo sa maong programa sa milaby’ng tuig ug abri na kini sa individual farmers karong tuiga.

 

Matud sa CAPOO, gadawat na usab sila og mga requests apan ipailawom kini sa validation sa ilang buhatan.

 

Alang sa mga gusto mo-avail ug dugang kasayuran, magpadala lamang og letter of intent ug kinahanglan pod rehistrado sa Registry System for Basic Sectors in Agriculture (RSBA).

 

Ang pagpalambo sa moang sektor usa sa mga priority agenda usab ni Mayor Klarex Uy. (LRM/CAPOO Infographics)