DUGANG volunteer group gikan sa Philippine National Police ug Philippine Red Cross ang gipailawom sa orientation sa City Health Office alang sa ipahigayong Measles-Rubella Supplemental Immunization Activity (MRSIA) adlaw’ng Miyerkules, Enero 14 ning tuig.

 

Ang maong orientation gihimo alang sa ipahigayong immunization day isip pagbukas karong adlaw’ng Lunes, Enero 19 diin ang Brgy Macasandig ang napiling pilot area niini.

 

Gipasabot sa CHO sa pagpangulo ni City Health Officer Dr Rachel Dilla ang kamahinungdanon ug saktong pag-administer ug pag-handle sa bakuna sa Kabataan.

 

Ang MRSIA immunization campaign karong tuiga nagdala sa tema’ng 'Chikiting Luwas para sa Healthy Pilipinas, Sulong Kalusugan,' nga gipangulohan sa mga ahensya sa panglawas. (MDS/CIO Photos by Reynan Baylin)