Gipangulohan ni Mayor Rolando ‘Klarex’ Uy ang paglusad karong adlawa, Enero 19 sa city-wide Measles-Rubella Supplemental Immunization Activity kon MRSIA atol sa ‘People’s Day’ program sa barangay Baikingon ning syudad.

 

Subay niini, nanawagan si Mayor Klarex sa mga ginikanan nga pabakunahan ang ilang mga anak nag-edad sa unom ka bulan hangtud upat ka tuig ug onse ka bulan aron malikay sa sakit nga tipdas ug rubella.

 

Nasayran nga libre, luwas ug walay bayad ang pagpamakuna diha sa mga designated vaccination centers sugod karong adlawa, Lunes, Enero 19 hangtud Pebrero 13. (CIO/Photo by CMO)