Miabot na sa 13,286 ka mga negosyante sa dakbayan sa Cagayan de Oro ang nagparehistro na sa ilang business permit sukad Enero 5 hangtud Enero 21 ning tuig.

 

Kini ang gibutyag ni Mr. Jason Adaza, ang hepe sa Business Permits and Licensing Division (BPLD) sa City Mayor’s Office, human gilugwayan ang business permit renewal sa city hall gikan Enero 20 ngadto na sa Marso 31 ning tuig tungod sa hangyo sa grupo sa mga negosyante sa syudad nga gisuportahan ni Mayor Klarex Uy.

 

Sa maong gidaghanon, 12,922 ang nagpa-renew sa ilang business permit, samtang 364 ang mga bag-ong negosyo, sumala pa ni Adaza.

 

Apan bisan pa man sa lugway nga gihatag sa syudad, padayon ang panawagan ni Adaza sa mga negosyante nga pahimuslan ang kahigayonan aron malikayan ang ipahamtang nga multa ngadto sa mga late filers.

 

Alang sa kaharuhay ug kasayon, mahimo mag-renew sa business permit pinaagi sa online registration gamit ang website sa City Finance Department nga https://citytreasurer.cagayandeoro.gov.ph

aron mas dali ug paspas ang transaksyon. (CIO)