NAKAPAHIMULOS ang mga residente sa Brgy Camaman-an sa mga batakang serbisyo sa city hall pinaagi sa Klarex nga Serbisyo sa Baryo (KSB) ni Mayor Rolando 'Klarex' Uy adlaw'ng Sabado, Enero 24, ning tuig.

 

Gipadayag sa mga residente ug ni Punong Barangay Carl Harrison Gallarita kauban ang konseho niini ang ilang pasalamat kang Mayor Klarex sa paghatud sa serbisyo diha mismo sa ilang tugkaran.

 

Kauban ni Mayor Klarex ang tibuok burukrasya sa City Hall, 21st City Council, Department managers ug mga empleyado sa kagamhanang lokal sama sa 'Kasalan ng Bayan,' diin 54 ka magtiayon ang gibugkos sa kaminyoon.

 

Aduna usab libreng tuli, medical ug dental check-up, haircut ug massage, eye ug ear check-up, ug uban pang mga serbisyo nga gitanyag atol sa maong programa.

 

Tumong ni Mayor Klarex nga mahatagan ang katawhan og dekalidad nga serbisyo ug magpadayon sa iyang paningkamot nga mapaduol ang gobyerno ngadto sa katawhan ug ang katawhan ngadto sa gobyerno. (MDS/Photos by: Jhoanne Abejo, Kim Zaldivar & Iren Fuentes/CIO)