MOKABAT 4,089 nga mga vendors sa kamerkadohan ning syudad ang gikatakdang mag-renew sa ilang business permit sugod karong Pebrero 2, 2026.

 

Kini ang pamahayag ni Atty. Marianne G. Ragas, acting General Manager sa City Economic Enterprises and Business Development Administration (CEEBDA).

 

Gani, aduna nay mga stall holders ang naka-renew na sa ilang business permit ug wala na nagpaabot sa gikatakdang petsa sa renewal partikular na kadtong walay mga problema sa ilang mga papel.

 

“Naghangyo sila nga mouna og renew then okay man pud ang ilang papel mao nga gi-allow namo,” pamahayag ni Mary Sean L. Molig, acting Asst. General Manager for Operations sa CEEBDA.

 

Nasayran nga sa uwahing record sa CEEBDA moabot na sa 1,842 ka stall holders sa Cogon market ang naka-renew na sa ilang business permit samtang 728 usab ang sa Carmen market.

 

Basi sa record sa CEBBDA nga adunay 2,373 ka stall holders ang Cogon, 1,164 sa Carmen, 183 sa Puerto ug 369 usab sa Bulua market.

 

Naglaum ang mga kadagkuan sa CEEBDA ilabina ang syudad ubos sa administrasyon ni Mayor Rolando `Klarex’ Uy nga maka-renew sa ilang business permit ang tanang stall holders sa kamerkaduhan. (ALR/CIO)