MITUNOL sa ayuda ang City Social Welfare and Development (CSWD) Department-Disaster Response Team alang sa 42 ka pamilya nga nasunogan bag-ohay lamang sa Zone 3, Barangay Cugman, ning siyudad.\

 

Lakip sa gitunol ang hygiene kits, kitchen utensils ug sleeping linens.

 

Gawas sa non-food items, midawat usab og pagkaon ang mga fire survivors pinaagi sa community kitchen nga gi-andam sa CSWD Disaster Response Team ug Barangay Cugman.

 

Samtang nagtanyag usab og Psychological First Aid ang CSWD Psychosocial Unit kagahapong adlawa, Enero 27, alang sa pag-proseso sa kalisud nga gibati sa mga survivor human nawad-an og balay tungod sa sunog.

 

Subay niini, gipahinumdoman ang katawhan nga magbantay kanunay ug mahimong alerto aron malikayan ang sunog. (NLB/CIO/photos courtesy of CSWD Disaster Response Team and CSWD Psychosocial Unit)