Sa tinguha nga mapalapdan pa ug mapatuman sa Barangay Drug Clearing Program ingon man ang mga issue ug concern ug mas mapalig-on ang prevention, intervention ug rehabilitation efforts sa matag barangay, upat ka mga barangay ang gibisitahan sa mga personahi sa City Anti-Drug Abuse Division – Oro Wellness Center bag-ohay lang.

 

Kini nga mga barangay mao ang Barangays 34, 33, 32, ug Barangay Tignapoloan diin adunay coordination meeting nga natigayon uban sa mga sakop sa barangay council pinangulohan sa ilang punong barangay.

 

Ang kalihokan gipangunahan ni Sunny Rae D. Cahayag, office overseer sa CADAD- Oro Wellness Center, ug Cyrans Ranile, acting department manager sa Office for Community Affairs uban sa mga BS Psychology Interns gikan sa Lourdes College.

 

Alayon niini, mapasalamaton ang City Anti-Drug Abuse Council (CADAC) sa administrasyon ni Mayor Rolando `Klarex’ Uy sa tanang mga barangay officials ug partners sa ilang aktibong partisipasyon ug padayon nga pagsuporta sa programa ug kampanya sa syudad alang sa usa ka luwas ug drug-free nga komunidad. (ALR/CIO/Photos from CADAD –Oro Wellness Center)