NAGPAHIGAYON og laing coordination meeting ang lokal nga kagamhanan sa Cagayan de Oro pinaagi sa Community Improvement Division - Cooperative Program (CID) ug Roads and Traffic Administration (RTA) kalabot sa Local Public Transport Route Plan (LPTRP), adlawng Huwebes, Pebrero 12.

 

Misalmot sa maong panatigom sila 21st City Councilors Enrico Salcedo kinsa maoy Chairman sa Komitiba sa Public Utilities, Gilda "Gilda" Go nga mao usab ang Chairman sa Komitiba sa Kooperatiba, inubanan usab nila RTA Acting Asst. Department Manager for Operations Benedicto Y. Ramiro, Federation President of Transport Cooperatives Luzviminda Escobal, CID Department Manager Honorio Diputado Jr., CID-Cooperative Program Coordinator Rodger Zerna, ug mga personahe gikan sa nagkadaiyang transport cooperatives sa Distrito 1 ug 2.

 

Nahisgutan sa maong panagtapok ang pag-focus sa mga napili nga agianan alang sa dry run sa Distrito 1 ug Distrito 2 ning siyudad.

 

Lakip usab ang pagplastar sa maong operasyon aron masiguro ang malinawon ingon man hapsay nga koordinasyon sa matag transport stakeholders nga adunay kalabotan sa preparasyon sa pilot implementation sa LPTRP. (LRM-CIO/ photos from CID)