Friday, 09 July 2021 06:14

Moreno mipirma’g kasabutan pagsumpo sa online sexual abuse sa kabataan

Written by
“Education and many other programs are continually being provided to ensure that our children, and the children of their children will have a better tomorrow and a better world”.
Mao kini ang pamahayag ni Mayor Oscar Moreno human pormal nang milagda og Memorandum of Agreement (MOA) tali sa Save the Children Philippines (SCP), Inc. usa ka independepent children's organization, alang sa pag-implementar sa #SaferKidsPH Program, Hulyo 8, diha sa SEDA Hotel, ning siyudad.
Ang #SaferKidsPH Program usa ka Australian government initiative nga giabagan sa Save the Children Philippines, The Asia Foundation ug UNICEF aron mokunhod ang online sexual abuse ug exploitation of children sa nasud.
Napiling pilot barangays alang sa #SaferKidsPH Program mao ang Carmen ug Canitoan.
Tipik sa programa ang capacity building activities ug pagpangandam sa child-friendly spaces sa mga pilot barangays aron makatabang kanila sa pagtaho, paghatag og access sa tele-medicine o’ online counselling.
Kini nahimong posible pinaagi sa partners sa proyekto, KidsforKids Philippines ug SMART Communications, Inc. Anaa usab ang partner schools, Sacred Heart Village Elementary School, Pedro N. Roa Elementary School ug PN Roa High School, uban sa suporta sa DepEd - Cagayan de Oro Division nga misaad pagtabang sa pag-integrate niini sa DepEd cybersafe materials.
Lakip sa milagda sa kasabutan sila si CSWD Executive Overseer Michael Christopher Fabello; April Anne V. Correa, Project Coordinator sa SaferKids Philippines, ug pinaagi sa virtual platform, milagda usab si First Secretary Paul Harrington sa Australian Embassy ug Save the Children Philippines Chief Executive Officer Atty. Alberto Jesus T. Muyot.
Samtang mipadayag sa ilang suporta pinaagi sa virtual platform sila si Save the Children Philippines Director of Program Implementation Benjamin Delfin II ug SaferKids PH Child Protection Officer Atty. Marie Michelle Quezon.
Misaksi sa kalihokan si Committee on Social Services Chairperson Kagawad Girlie Balaba, mga ginikanan, opisyales sa barangay Carmen ug Canitoan, partner schools ug uban pa. (Nica Borja/Photos by Aicy Soriano/CIO)