World Health Organization
Department of Health 
MITALA og 120 ka mga active COVID 19 cases ang Brgy Balulang ug nag-una sa 10 ka mga barangay nga adunay pinakadaghang kaso sa kinatibuk-ang 963 cumulative cases sa syudad karong adlawa.
Kini base sa datus nga gi-report ni City Epidemiologist Dr. Teodufo Joselito Retuya Jr. sa City Health Office Health Emergency Management System (CHO-HEMS) Hulyo 13, 2021 atol sa daily presser sa City Hall.
Gisundan kini sa Brgy Kauswagan nga adunay 115; Carmen, 82; Bulua, 64; Iponan, 53; Patag, 51; Macasandig, 43; Lumbia, 41; Gusa, 40; ug Canitoan, 35.
Matud ni Dr. Retuya, sa 963 ka cumulative cases, 43 ang nadugang nga active cases nga ilang natala sa 10:00PM cut-off time, Hulyo 12.
Subay niini, padayong nanawagan ang CDO LGU sa katawhan sa kooperasyon aron mapaubos pa ang kaso ug giaghat ang tanan sa pagpabakuna aron malikay sa grabe’ng sintomas sa COVID 19 virus. (ACM/CIO)
