World Health Organization
Department of Health 
SI KONSEHAL George S. Goking, chairman sa komite sa ways and means, mipahibalo ngadto sa mga negosyante ug katawhan ning syudad nga gilugwayan sa gobyerno ang gitanyag niini nga Estate Tax Amnesty.
Kini human si Presidente Rodrigo R. Duterte pinaagi sa Republic Act No. 11569 mihatag og lugway sa Estate Tax Amnesty og uban pang mga katuyoan.
Matod ni Konsehal Goking nga ang tax amnesty dako kaayo og ikatabang niadtong adunay problema sa ilang mga balayronon ilabina kay ang tanan nag-antos niining panahon sa pandemya nga dala sa Covid-19.
Nasayran nga ang Estate Tax usa ka klase sa buhis nga gikolekta ngadto sa indibidwal sa panahon nga ibalhin ang iyang kabtangan ngadto sa iyang legal nga mga sumusunod o benepisaryo sa panahon sa iyang kamatayon. (SP/APDelgra/Photo from Councilor Goking/FB)
