World Health Organization
Department of Health 
MODUYOG ang administrasyon ni Mayor Oscar Moreno sa 43rd National Disability Prevention and Rehabilitation Week isip suporta sa atong mga kaigsoonan nga Persons with Disabilities kon PWDs, karong Hulyo 17-23, 2021.
Subay sa tema nga “Kalusugan at Kaunlaran ng Pilipinong May Kapansanan, Isulong sa Gitna ng Pandemya,” ang LGU-CDO naninguha nga pasak-on ang level of public awareness sa mga panginahanglanon ug pressing issues sa PWD sector pinaagi sa pagmugna og usa ka ‘enabling environment’ aron makabaton og maayong kinabuhi ang mga PWDs taliwala sa Covid-19 crisis.
Kasamtangan, gidasig lamang ang ginagmay nga panagtapok via Zoom alayon sa pagsunod sa minimum health standards aron malikayan ang pagkuyanap sa Covid-19.
Ang kasaulogan subay sa Proclamation No. 361 nga gipirmahan niadtong Agosto 19, 2000, diin gideklara ang ikatulong semana sa Hulyo isip “National Disability Prevention and Rehabilitation Week” ug mahuman sa adlaw’ng natawhan ni Sublime Paralytic: Apolinario Mabini sa Hulyo 23 matag tuig. (Nica Borja/CIO).
