World Health Organization
Department of Health 
MOKABAT sa 53 ka mga pamilya o’ 184 ka mga indibidwal ang mihikling kagabii sa ilang tagsa-tagsa ka panimalay tungod sa nasinating pagbaha diha sa barangay Iponan ug Tablon ning syudad.
Sigun sa inisyal nga taho sa City Social Welfare and Development Office, nasayran nga 23 ka pamilya o’ 90 ka indibidwal ang nag-evacuate sa Tablon gym, samtang 22 ka pamilya o’ 69 ka indibidwal ang mipahiluna sa Bulao Elementary School sa Iponan, ug walo ka pamilya o’ 25 ka indibidwal ang mipasilong sa Fatima Chapel.
Kasamtangan, nakahawa na sa evacuation sites ug mipauli na sa ilang balay ang mga evacuees.
Kamulo karon ang assessment ug validation sa CSWD alang sa dinaliang paghatag og ayuda gikan sa syudad, sigun pa ni CSWD Community Social and Development Division Head Joan Acraman. (Nica Borja/Photos courtesy of CSWD)
