World Health Organization
Department of Health 
GIPANGANDAMAN na sa LGU-CDO ang mga virtual competitions ug activities sa umaabot Higalaay Festival 2021 ning bulan sa Agosto atol sa kapistahan ni Sr. San Agustin.
Lakip sa mga dagko ug bag-ong kalihukan nga ipahigayon ang pinakauna nga Motorela Miniature Virtual Parade, Carnival Parade Dance Showdown ug Higalaay Cosplay Competition diin giaghat ang mga lokal artists, dancers and cosplayers nga molambigit sa nagkadaiyang kompetisyon.
Angay usab atangan ang tinuig nga Kumbira Culinary Show nga magsaulog sa ilang ika-25 ka tuig nga anibersaryo, Mindanao Fashion Summit nga pangulohan sa Oro Fashion Designers’ Guild ug ang photo contest and exhibit sa Oro Photographic Society.
Masayran usab sa mga ‘webisodes’ kon virtual shows matag semana sa bulan sa Agosto ang pagpasundayag sa lain-laing industriya, tradisyon, produkto, lugar ug uban pang garbo sa dakbayan.
Kahinumduman nga sugod niadtong milabay’ng tuig, gihimo nang ‘virtual’ ang mga kalihukan sa pagsaulog sa Higalaay Festival subay sa mga gabayan ubos sa community quarantine status sa dakbayan. (SPP/file photos)
