World Health Organization
Department of Health 
TALIWALA sa pandemya nga nasinaiti sa Cagayan de Oro, gihatagan pa gihapon og dakong importansya sa administrasyon ni Mayor Oscar Moreno ang edukasyon pinaagi sa pagpahigayon og “KURAMBOS 2021 CDO Education Summit” karong adlaw’ng Sabado, Hulyo 24, 2021.
Uban sa temang “Transcending Together with Education Resilience”, hisgutan niini ang mga paningkamot ug suporta sa Moreno administration sa paglatas sa kalisdanan nga nasinati diha sa paghatag og de-kalidad nga edukasyon sa kabataan.
Atol sa maong summit, ipaambit ni Mayor Moreno ang mga kalampusan nga nahimo sa CDO LGU luyo sa kalisod sa hagit niining panahona.
Lakip sa mopaambit ang Department of Education-Division of Cagayan de Oro. Mohatag usab sa iyang pakigpulong via zoom si Senador Sherwin Gatchalian, kinsa maoy chairman sa Senate Committee on Basic Education, Arts and Culture.
Subay niini, giaghat ang tanan sa pagsalmot ug pagpaminaw sa maong summit pinaagi sa pag-log-in sa Cagayan de Oro City Philippines face book page. (ACM/CIO)
