Kini ang duha ka mga bag-ong kalihukan sa virtual ‘Higalaay Festival’ diin ipasundayag ang garbo sa dakbayan nga motorela, ang tradisyonal mode of transportation sa dakbayan, ug ang nagkadaiyang carnival queens sa matag barangay.

Sa Higala Parada Minirela, magtigi ang mga local artists sa ilang handcrafted nga miniatures sa motorized karitela, diin ang mga mananaog makadawat og P5,000 sa 3rd place, P7,000 sa 2nd place, ug P10,000 alang sa 1st place.

Samtang, masaksihan usab ang mga mabulokon nga costumes ug lain-laing dance routines sa mga dalaga nga molambigit sa Higalaay Carnival Queen competition, diin mahimong makadaog sa P5,000 ang 3rd placer, P7,000 sa 2nd placer ug P10,000 sa madeklara nga Carnival Queen 2021.