Thursday, 19 August 2021 06:30

Covid-19 patients naplastar na sa EREID Annex sa JRBGH

Written by

NAPLASTAR na ang pipila sa mga COVID 19 patients sa JR Borja General Hospital nga anaa sa tents kaniadto human gibuksan ang COVID 19 emerging and re-emerging infectious disease annex (EREID) bag-ohay lang.

Matud ni Dr. Liova de Guia, chair sa COVID Response team sa JRBGH, nga 16 ka mga pasyente sa mild ug moderate cases ang mahimong makasulod sa EREID annex, sanglit padayon pa ang pagtibawas sa 3rd ug 4th floor COVID ward sa Pimentel building sulod sa City Hospital.
Dugang ni Dr. de Guia nga kasamtangang 65 ka COVID positive patients na ang giatiman sa JRBGH human gipailawom sa usa ka bulan nga ECQ ang syudad niadtong Hulyo 16 hangtud Agosto 15, kompara sa MECQ pa kini niadtong Hunyo nga miabot sa halos 120 ka mga pasyente ang ilang giatiman.

Pasabot ni Dr. de Guia nga nangandam kanunay ang mga personahe sa JRBGH sa posible na usab nga pagsaka sa mga kaso kung dili motabang ang katawhan ug batasanon ang pagsunod kanunay sa minimum public health standards. (ACM/Photos by Aicy Soriano/CIO)

May be an image of indoorNo photo description available.No photo description available.May be an image of indoor