World Health Organization
Department of Health 
MIKABAT na sa 1,925 sa 4,853 ka business establishments ang nakadawat og family food packs gikan sa Department of Social Welfare and Development -X nga giapod-apod sa City Social Welfare and Development Office.
As of August 19, moabot na sa 42,000 ka boxes sa family food packs ang nadawat sa LGU-CDO gikan sa DSWD.
Ang mga business establishments mao ang natumbok ug gi-text sa CSWD base sa listahan sa Office of the City Treasurer, ug nag-fill up sa portal nga gibuhat sa LGU-CDO.
Human pag-fill up sa maong portal, i-email kini sa CSWD sa maong business establishment ang Relief Distribution System (RDS) form aron mapirmahan sa mga empleyado sa maong business establishment.
Human makompleto og pirma sa mga empleyado, tawagan ang business establishment sa CSWD aron ipahibalo asa moadto para pagkuha sa ayuda.
Ang RDS form ang magsilbing claiming stub sa maong business establishment. Ang ayuda mahimong kuhaon sa representante sa maong business establishment.
Tulo ka buhatan ang nagtinabangay karon aron ma-facilitate ang pagtunol sa ayuda sama sa Department of Social Welfare and Development/City Social Welfare and Development, Office of the City Administrator ug Office for the Community Affairs. (Nica Borja/Photo by Jomar Figuracion/CIO)
