Tuesday, 24 August 2021 02:09

Supply sa medical grade oxygen sa syudad ug rehiyon dili kabalak-an

Written by

Adunay igong supply sa medical grade oxygen sa syudad ug sa rehiyon, kini ang gipasalig sa mga manufacturers ug refillers ngadto sa mga kadagkuan sa City Price Coordinating Council, Department of Trade & Industry-Provincial Office, Department of Health, ug Food and Drugs Administration atol sa virtual meeting nga gipahigayon bag-ohay lamang.

Lakip sa misalmot sa meeting ang mga representanti sa local price coordinating council sa nagkadaiyang LGUs sa Misamis Oriental.
Gipadayag sa DOH nga nagkinahanglang og kapin 2,000 cylinders nga medical grade oxygen matag adlaw ang rehiyon sa Covid-19 surge scenario.
Basi sa data nga gipresentar sa upat ka manufacturers ug refillers nga andam ug aduna silay kapasidad nga maka-supply ug sobra pa sa gikinahanglan sa rehiyon.
Gani, usa sa mga manufacturers namahayag nga ang presyo sa ilang medical oxygen per 50-lb cylinder nga content only nagkantidad lamang sa P650, samtang ang laing manufacturer nibaligya sa ilang produkto sa kantidad nga P950.

Hinuon, makalaum ang publiko nga adunay igong supply sa medical-grade oxygen sa syudad ug sa rehiyon. (ALR/CIO)

May be an image of 1 person and standing