SUGDAN na karong adlawa, Agosto 24, ang ika-25 nga ‘Kumbira Culinary Show’ pinaagi sa virtual platform diin pipila ka mga kompetisyon ang ipahigayon sa COHARA kon Cagayan de Oro Hotel and Restaurants Association.
Gilangkuban sa tulo (3) ka mga dagkong kompetisyon ang ‘Kumbira Online 2021’ sama sa Kumbira Bar Master, Kumbira Chef Master, ug Kumbira Chef Master, diin misalmot ang ubay-ubay ka mga estudyante ug professionals gikan sa mga tunghaan og culinary schools.
Dugang niini, anaa usab ang mga online webisodes/webinars alang sa mga interesado nga makatuon sa lain-laing paamagi sa food handling ug food preparation, diin mga sikat nga mga chefs ang mga speakers.
Mahimong masaksihan ang Kumbira events sa ilang Facebook Page nga Kumbira – A Culinary Show and Live Competitions by Cohara.
Gitakdang matapos ang Kumbira Online 2021 sa Agosto 26 ug kini gipahigayon atol sa kasaulogan sa Higalaay Festival ning tuig. (SPP)