Wednesday, 25 August 2021 07:13

CDO LGU mihatag og P2M cash incentive kang 2020 Tokyo Olympics Boxing silver medalist Carlo Paalam

Written by

Agi’g pasidungog sa iyang paghatag sa dakong garbo ug dungog sa Pilipinas ug syudad sa Cagayan de Oro, balor P2 million nga cash incentive ang nadawat ni boxing pride Carlo Paalam human nasakmit ang silver medal sa 2020 Tokyo Olympics.

Gawas sa P2-million cash incentive gikan sa CDO LGU, gitunol usab ni Mayor Oscar Moreno ug Bise Mayor Kikang Uy, kauban ang mga miyembro sa City Council, ang Distinguished Plaque of Merit and Commendation kang Paalam atol sa iyang paghidangat sa syudad kagahapong adlawa.
Gibutyag ni Mayor Moreno nga nagsilbing inspirasyon sa mga kabataan ang talagsaong kalampusan nga nakab-ot ni Paalam sa Tokyo Olympics, ug ang iyang kadaogan naghatag og kahigayonan sa uban nga matuman ang ilang mga damgo sa kinabuhi.
Sigun pa ni Carlo nga dili niya makab-ot ang kalampusan kung wala usab ang dakong tabang ug suporta sa amateur boxing program ni Mayor Moreno ug coach Elmer Pamisa, kinsa maoy naggiya kaniya sukad nag-edad pa kini og nuebe anyos.
Tambag sa 23 anyos nga kanhi basurero sa Upper Zayas, barangay Carmen sa mga kabataan nga matuman ang ilang mga tinguha sa kinabuhi kung ubanan kini sa pag-ampo, sakripisyo, kakugi ug determinasyon sa kinabuhi.

Sa iyang bahin, gipadayag usab ni Bise Mayor Kikang Uy nga ang kadaugan ni Paalam sa Tokyo Olympics maoy nagpamatuod sa kalampusan sa boxing program ni Mayor Moreno, bisan pa man og gipasakaan kini og kaso sa iyang mga kaatbang sa politika kaniadto. (IAF/CIO)

May be an image of 4 people and people standingMay be an image of 3 people, people standing and indoorMay be an image of 3 people, people standing and text that says 'WELCOME 4OI ACCOUNT NO. ACCOUNT NAME CHECK NO. ORDER PAY THE CARLO PAALAM DATE 08-24-202 PESOS TWO MILLION PESOS ONLY P2,000,000.00 DBP CAGAYANDE DEVELOPMENT BANK BRANCH THE PHILIPPINES'May be an image of 1 person, standing and sittingMay be an image of 6 people, people sitting, people standing and indoorMay be an image of 1 person, sitting, standing and indoor