World Health Organization
Department of Health 
NASAPON sa Regulatory Compliance Board (RCB) ang pipila ka mga massage spas dinhi sa dakbayan nga nag-operate taliwala nga gidid-an ang pagbukas sa personal care services ubos sa Modified Enhanced Community Quarantine kon MECQ.
Basi sa IATF Omnibus Guidelines ug DTI Memorandum Circular, padayong gibawal ang mga personal care service establishments ubos sa MECQ.
Atol sa RCB operation, na-isyuhan og Ordinance Violation Receipt (OVR) ang mga establisemento nga nakalapas sa community quarantine guidelines.
Sa laing bahin, gikuha sa mga otoridad sa Brgy. Kauswagan ang onse (11) ka unit sa pisonet human nasuta ang usa ka operator nga nagbukas sa pisonet shop.
Mahimong makuha pagbalik ang mga pisonet units kung tugotan na pag-operate ang maong establisemento ubos sa Modified General Community Quarantine kon MGCQ.
Kahinumduman nga ubos sa ECQ, MECQ, ug GCQ guidelines sa Department of Trade and Industry, “not permitted to operate” pa gihapon ang status sa mga recreational venues, diin nalakip ang internet ug pisonet shops. (SPP/Photos by Reynan Baylin)
