Friday, 27 August 2021 05:23

Simpleng reunion gipahinungod ni Olympic silver medalist Carlo Paalam sa CdeO Boxing Team

Written by

Usa ka simpleng reunion ang gipahinungod ni 2020 Tokyo Olympics silver medalist Carlo Paalam ngadto sa mga boksidor sa Cagayan de Oro City Amateur Boxing Team diin asa siya naggikan.

Kini ang unang higayon nga nahimamat pagbalik ni Paalam ang iyang mga kaubang boksidor human nagmalampuson sa milabay’ng Tokyo Olympics.
Kuyog sa Cagayan de Oro boxing pride ang iyang long-time coach nga si Elmer Pamisa, uban nila ni Stephen ‘Pong’ Dacoco ug Jaymar Rivera sa City Sports Development Program.
Sa iyang mensahe, gisaysay ni Paalam ang iyang mapait nga kaagi ug kasinatian sa kinabuhi kaniadto diin mamunit siya’g basura aron lang makasugakod sa inadlaw-adlaw nga pagkaon sa iyang pamilya.
Matud pa sa 24 anyos nga boksidor nga dili sayon ang iyang naagian sa kinabuhi, apan nausab ang tanan sa pag-abot niya sa edad nga nuebe anyos human gi-recruit ni coach Pamisa sa amateur boxing program sa panahon nga gobernador pa sa Misamis Oriental si Mayor Oscar Moreno.
Gitambagan ni Paalam ang mga boksidor nga walay imposible nga makab-ot ang ilang mga damgo ug pangandoy sa kinabuhi kung magbaton lang sa kakugi, paningkamot ug disiplina sa kaugalingon.
Samtang, dako ang pasalamat ni coach Pamisa sa makanunayong tabang ug hugot nga suporta ni Mayor Moreno nga maoy hinungdan kon nganong nakab-ot ni Carlo ang silver medal sa Tokyo Olympics.
Sigun pa ni coach Pamisa nga ang kadaugan ni Paalam sa Olympics, kadaugan usab sa Cagayan de Oro amateur boxing team, ug gihagit ang mga boksidor nga unta magsilbing inspirasyon kanila ang kalampusan ni Paalam.

Nasangpit usab sa RP boxing team coach ang pag-abag ug mga donasyon sa gamit sa mga boksidor pinaagi sa suporta ni Atty. Oscar Moreno Jr., Community Sports & Youth Dev’t Director sa Manny V. Pangilinan Sports Foundation (MVPSF); Mr. Ed Picson, Secretary General sa Association of Boxing Alliances in the Phils. (ABAP); Atty. Ricky Vargas, ABAP President; ug Mr. Ed Panlilio, MVPSF President. (IAF/CIO)

May be an image of 2 people and people standingMay be an image of 3 people and people standingMay be an image of one or more people, people standing, people sitting and outdoorsMay be an image of 4 people, people standing and outdoorsMay be an image of one or more people, people standing, people sitting and outdoorsMay be an image of 1 person and standingMay be an image of 1 person and standingMay be an image of 4 people and people standingMay be an image of 3 people and people standingMay be an image of 2 people and people standingMay be an image of 3 people, people standing and indoor