MIPADAYON sa pag-apud-apod ang Regulatory Compliance Board (RCB) sa libreng pansit diha sa mga residente sa pipila ka barangay ning dakbayan human midawat kini sa donasyon gikan sa usa ka anonymous donor.
Gikalipay sa mga residente ang maong ayuda diin ubay-ubay usab ang nakadawat niini gikan sa 450 kilos nga pansit nga gidonar ngadto sa RCB.
Ang maong pagpanghatag sa libreng pansit gipahigayon atol usab sa ilang regular nga random monitoring, inspection and enforcement sa mga gabayan dinhi sa dakbayan.
Kahinumduman nga kini ang ikaduhang hugna sa pagpanghatag og pansit sa RCB human naka-distribute ang otoridad niadto og kapin 200 kilos niini sa Brgy. Carmen ug Consolacion. (SPP/photos by Reynan Baylin)