Monday, 20 September 2021 07:14

CDO mitala og pagkunhod sa COVID 19 cases

Written by
CDO mitala og pagkunhod sa COVID 19 cases

DAKO ang pagkunhod sa COVID 19 cases sa Cagayan de Oro sulod sa duha ka adlaw, Sabado ug Domingo (Sept 18 & 19) nga mitala lamang og 70 ug 37 ka mga kaso kompara sa unang duha ka weekend ning bulan.

May be an image of text that says 'CION HILIPPINES CAGAYAN DE ORO SUMMARY OF CONFIRMED COVID19 CASES AS OF SEPTEMBER 19, 2021, 10:00 PM SOURCE: CHO COVID19 OPERATIONS CENTER NEW CASES ACTIVE CASES SEP 18 70 SEP 19 37 3,863 ADMITTED: 948 IN TTMF: 2,915 RECOVERIES 14,379 SEP 18 42 SEP 19 36 CUMULATIVE CASES SINCE MARCH 2020 19,054 DEATHS 812 SEP 18 2 SEP 19 http://cagayandeoro.gov.ph/ Cagayan de Oro City Philippines @cdoinfonet'

Apan bisan pa man niini, gipasabot ni Dr. Teodoro Yu Jr, medical officer sa CHO nga dili pa angayan nga magkompyansa ang katawhan ug padayonon ang istriktong pagsunod sa minimum public health standards ug
likayan ang super spreader events sama sa birthday, parties, pagtambong og haya ug lubong aron mamintinar ang pag-ubos sa kaso sa syudad.
Basi sa datus sa City Health Office (CHO) dili moubos sa kapin 100 ka mga kaso ang natala sa duha ka Sabado ug Domingo (Sept 5&12) nga milabay ug sa milabay pa nga mga bulan diin nakasinati ug grabeng pagsaka sa mga nataptan sa COVID 19.
 
May be an image of text that says 'CRRESSO PHILIPPINES CAGAYAN DE ORO SUMMARY OF CONFIRMED COVID19 CASES AS OF SEPTEMBER 2021, 10:00 PM SOURCE: CHO COVID19 OPERATIONS CENTER ACTIVE CASES NEW CASES SEP 160 SEP 105 5 3,621 ADMITTED: 896 IN TTMF:2,725 RECOVERIES 13,451 SEP 04 30 SEP 05 82 CUMULATIVE CASES SINCE MARCH 2020 17,834 DEATHS 762 SEP 04-7 SEP 05-2 05 http://cagayandeoro.gov.ph/ Cagayan de Oro City Philippines @cdoinfonet'
Sa iyang bahin, gikalipay usab ni Mayor Oscar Moreno ang pag-ubos sa mga kaso tungod sa kooperasyon ug pagsabot sa katawhan ug naglaum kini nga magpadayon pa ang ilang suporta sa kampanya sa syudad nga mapakunhod pa ug dili na mokaylap ang pagtakod sa virus.
Samtang gipakita usab ni Dr. Gina Itchon, head sa Research and Dev’t sa Northern Mindanao Medical Center (NMMC) nga bisan pa man og anaa pa sa 200 active cases ang ilang gitatiman apan mikunhod ang mga
admitted cases sa maong balay tambalanan ilabina sa ilang emergency rooms ug mga wards nga anaa lang sa 8 ka mga pasyente kompara sa kapin 20 sa milbay’ng mga semana.

Apan gipasabot ni Dr Itchon nga daghan sa mga anaa karon sa NMMC nga anaa sa severe to critical cases mga wala pa mabakunahi. (ACM/CIO)

Published in News and Article
back to top