HUGOT nga gipatuman sa Regulatory Compliance Board ang kampanya niini sa pagbawal sa pag-inom og ilimnong makahubog diha sa mga pampublikong lugar hilabi na kung kini gipahigayon pinaagi sa pagtapok-tapok sa mga indibidwal.
Alayon niini, nasapon sa usa ka RCB monitoring and inspection operation ang pipila ka mga kabatan-onan nga nag-‘car shot’ kon nag-inom sa ilang sakyanan nga naka-park diha sa kadalanan sa uptown area ning syudad.
Nasikop usab sa otoridad ang usa ka grupo sa kalalakin-an kinsa nasayran nga nag-inom sa alcoholic beverages samtang nag-videoke nga kasamtangan gibawal pa gihapon ubos sa Modified Enhanced Community Quarantine (MECQ) Guidelines.
Ang drinking of alcoholic drinks in public areas usa sa mga gibawal ubos sa City Ordinance no. 13855 kon community quarantine guidelines sa dakbayan diin mahimong silotan ang makalapas niini balor P500 hangtod P2,000 depende sa kapalapasan. (SPP/Photos by Reynan Baylin)