Wednesday, 22 September 2021 08:38

City hall employees makapatitulo na sa yuta alang sa housing project

Written by

Human sa taas nga panahon ug pagpaningkamot sa syudad ubos sa administrasyon ni Mayor Oscar Moreno pinaagi sa Task Force for the Emancipation of Piso-Piso Beneficiaries (TFEPB), makapatitulo na sa yuta nga ilang gipuy-an ang mokabat 118 ka city hall employees nga nanimuyo sa Balangay Pangandoy sa Barangay Macasandig.

May be an image of 2 people, people standing and indoor

Kini human nahatagan ang syudad og license to sell gikan sa Department of Human Settlements and Urban Development (DHSUD) alang sa maong katuyoan.
Si Engr. Armen Cuenca, Executive Director sa TFEPB, namahayag nga andam na modawat og bayad ang syudad alang sa Deed of Sale.
 
May be an image of 4 people, people sitting, people standing and indoor
Gani, aduna nay duha ka mga benepisyaryo ang nakabayad.
Adunay 32 ka mga relocation sites nga ubos sa kanhi piso-piso program ug usa niini ang Balangay Pangandoy diin ang benepisyaryo mga empliyado sa city hall.
Matud ni Engr. Cuenca nga napalit ang maong lote sa panahon ni kanhi Mayor Pablo Magtajas sa kantidad nga P330.00 per square meter.
Apan gipaubos kini sa piso-piso program sa nisunod nga administrasyon.
 
May be an image of 1 person and standing

Ug karon sa administrasyon ni Mayor Moreno, hingpit na nga makalingkawas sa hikot sa politika ang mga benepisyaryo ug maangkon ang titulo sa yuta nga ilang gi-okupar ubos sa land titling program. (ALR)