World Health Organization
Department of Health 
MOKABAT sa 738 o’ 91% sa 815 nga total cumulative COVID-19 deaths sa Cagayan de Oro ang mga unvaccinated o’ wala mabakunahan batok COVID-19, sigon pa sa datos ni Dr. Teodoro Yu Jr., medical officer sa City Health Office, September 21.
Gipasabot ni Dr. Yu nga ang 77 o’ 9% sa mga ‘vaccinated’ nga namatay, walay kalambigitan sa unsa man nga brand sa bakuna, ug namatay sila gumikan sa comorbidity o’ sa laing gihambin nga sakit.
Subling gihingusgan ni Dr. Yu ang kamahinungdanon sa pagpabakuna ug gimintinar niini nga ang tanan bakuna nga dunay emergency use authorization sa Philippine Food and Drug Administration, luwas ug epektibo.
Nanawagan usab kini sa katawhan nga bisan og bakunado, dili mag- kumpyansa ug pabilin nga magtuman minimum health standards ug paglikay usa sa mga ‘super spreader’ nga kalihukan. (AGP/CIO)
