World Health Organization
Department of Health 
Mikunhod ang ihap sa mga Covid positive patients nga taga-Cagayan de Oro kinsa na-admit sa nagkadaiyang pribadong hospital dinhi sa syudad.
Sa iyang daily presser kagahapong adlawa, gitaho ni Mayor Oscar Moreno nga miabot sa 74 ka mga pasyente sa private hospitals ang na-discharged na sa balay-tambalanan human naka-recover sa virus.
Sumala sa report sa City Health Office, miabot sa 795 ang admitted Covid positive patients nga residente sa Cagayan de Oro niadtong Septiyembre 21, apan mikanaog ang ihap ngadto sa 721 niadtong Septiyembre 22.
Malaumon si Mayor Moreno nga magpadayon unta ang pag-ubos sa ihap sa mga admitted patients sa mga private hospitals aron mohagkap usab ang healthcare utilization rate kon HCUR sa syudad.
Sa pinakaulahing datos, anaa pa gihapon sa ‘high risk’ ang HCUR sa syudad human mitala og 79.22 percent average HCUR tungod na usab sa taas nga Intensive Care Unit kon ICU bed utilization nga 93.83 percent, ug 78.57 percent usage sa mechanical ventilator. (IAF/CIO)
