Usa ka proyekto nga gilaumang makapausab sa hulagway sa kamerkaduhan ning syudad ang bag-ohay lamang gi-inagurahan diha sa East-Westbound Terminal & Public Market (EWTPM), ug kini mao ang composting project pinaagi sa Black Soldier Fly (BSF) Facility.

 

Matud ni EWTPM Officer-in-Charge Jocelyn Peñalosa nga ang BSF facility maoy usa sa mga research projects nga gi-organize ni Majority Floor Leader City Councilor Ian Mark Nacaya sa tinguha nga ma-eliminate ang basura, diin ang mga waste materials himoon nga income generating resources sama sa organic fertilizers, bio-charcoal ug biogas fuel nga mabaligya sa kamerkaduhan sa barato nga presyo.

 

Samtang gipasabot usab ni Kag. Nacaya nga kining bag-ong pamaagi sa composting nagtinguha nga masulbad ang tonilada nga solid waste garbage ilabina ang food wastes, veggies ug fruit scraps nga gailabay didto sa Pagalungan dumpsite.

Kini nga proyekto ang gidayeg ni DENR Assistant Secretary for Field Operations-Mindanao and Legislative Affairs Dr. Joan A. Lagunda human niya nakita atol sa inauguration.

 

 

Ang composting project inabagan usab sa University of Science & Technology of Southern Philippines- Research and Innovation Center pinangulohan ni Dr. Greg Mejia Cubio. (ALR/CIO)