TALIWALA ning pandemya, padayon gihapon ang adbokasiya sa siyudad pagprotehir sa PWD sector human gilusad sa City Social Welfare and Development uban ang Persons with Disabilities Affairs Office ang virtual launching sa “Search for Most PWD-Friendly Barangay”, Septiyembre 27 via Zoom.

Kini na ang ikatulo nga tuig sa maong search ubos sa administrasyon ni Mayor Oscar Moreno sa tuyo nga madasig ang mga barangay pag-atiman sa PWD sector.

 

Ang Search for the Most PWD-Friendly Brgy gimugna sa tuig 2019 aron masiguro nga mahatag sa sector ang mga batakang serbisyo sa natad sa governance, health, education, infrastructure, participation, ug social protection.

Pasidunggan ang mga mananaug sa numbered ug non-numbered barangays karong bulan sa Disyembre diin makadawat og cash prize ang barangay nga balor og P50,000 sa unang ganti, P40,000 sa ikaduhang ganti ug P30,000 sa ikatulong ganti. (Nica Borja/Infographics by PDAO)