GIAPOD-APOD sa City Disaster Risk Reduction and Management Department sa pagpangulo ni Mr Nick Jabagat, officer in charge sa CDRRMD, ang dugang pang medical apparatus sama sa pulse oximeter, digital blood pressure ug thermal guns sa mga kabarangayan ning syudad.
Kini agi’g dugang pagpalig-on sa mga barangay sa COVID 19 response pinaagi usab sa Barangay Health Emergency Response Team (Bherts) diha sa monitoring, ilabina sa ilang kooperasyon ning panahon sa pandemya.
Matud ni Jabagat, tuyo sa ilang buhatan ang pag-apod-apod sa tanang barangay sa maong mga ekipo, kauban ang buhatan ni Kongresman Klarex Uy.
Mapasalamaton usab ang CDRRMD sa tabang ug hapsay nga koordinasyon sa mga barangay aron masumpo ang pagtakod sa virus diha sa komunidad. (ACM)/CIO)