Sa katuyoan nga mapalapdan ang COVID-19 vaccination rollout sa mga sakop sa indigent category, gipahigayon karong October 1 sa CSWD- Community and Social Development Division ang usa ka virtual meeting aron ma-edukar ang mga miyembro sa 4Ps, Unconditional Cash Transfer, Modified Conditional Cash Transfer ug Social Amelioration Program kabahin sa bakuna.

 

 

Nahimong resource person sa maong virtual orientation si Dr. Gina S. Itchon, head sa Research and Development sa Northern Mindanao Medical Center, kinsa nanghingusog nga suportahan ang vaccination program sa syudad.

Gipunting ni Dr. Itchon ang importansya nga mabakunahan batok COVID-19 aron kung mataptan sa maong sakit ‘mild to no symptoms’ lang ang masinatian.

 

Giklaro usab ni Dr. Itchon nga bisan og nabakunahan na dili gihapon mag- kumpyansa ug padayon nga motuman sa pagsul-ob og face mask, physical distancing, paghugas kamot ug uban pang minimum health standards nga gipatuman sa gobyerno.

Dul-an 300 ka mga indigent families ang mitambong sa maong virtual orientation human gidasig sa CDO vaccination team ang mga sakop sa A5 category nga moadto sa pinakaduol nga vaccination centers sa syudad.

Ang City Health Insurance Office logistics team naghatag usab og libre nga vitamins ug paracetamol alang sa mga sakop sa A5 human mabakunahan. (AGP/CIO)