Duol na matibawas ang pagtrabaho sa three-storey City Hospital-Lumbia Project (Phase 2) nga gipundohan sa CDO LGU og balor P50 milyones.

 

 

Sa pinakaulahing kalamboan, gipintalan na ang gawas ug sulod nga bahin sa maong building gikan sa first hangtud third floor. Padayon usab karon ang pagkural palibot sa ospital.

 

Gipa-agpas ang pagtukod sa City Hospital-Lumbia project nunot sa mando ni Mayor Oscar Moreno sa tuyo nga magamit sa syudad ang maong facilidad isip temporary treatment and monitoring facility kon TTMF kon ugaling mosaka pa ang mga kaso sa Covid19 dinhi sa Cagayan de Oro.

 

Ang City Hospital-Lumbia gilantaw sa syudad nga magsilbing satellite hospital aron adunay kadangpan ang mga pasyente gikan sa mga lagyong barangay sa kabukiran, ug dili na magpunsisok sa JR Borja General Hospital. (IAF/photos by Jomar Figuracion)