MOKABAT na sa 426,311 ang total vaccines administered dinhi sa Cagayan de Oro, sukad gisugdan ang COVID-19 vaccine rollout niadtong Marso, sigon sa datos sa CDO COVID-19 Data Management Team.

Kini naglangkob na sa pagpamakuna sa priority groups A1,A2,A3,A4 ug A5 sa kagamhanang lokal, Department of Health Region 10, health facilities ug pribadong sektor.

 

Sa kinatibuk-an, mokabat na sa 253, 931 ang natupokan sa first dose sa bakuna, diin 172,380 kanila ang naka-kompleto na sa second dose.

Karong adlawa October 4, abli ang mga LGU-managed vaccination sites diha sa SM Downtown, SM Uptown, Limketkai, City Mall-Iponan, Bugo Elementary School, Lumbia Elementary School, ug ang karong adlawa gi-ablihan diha sa COC campus sa barangay Carmen. (AGP/CIO)