HINAYHINAY na nga nasulbad ang problema sa mga city scholars nga nagpuyo sa hinterland barangays kalabot sa online class kini human gitunolan sa learning hub bag-ohay lamang ang mga city scholars diha sa barangay Tumpagon.

Ang maong proyekto inisyatiba sa CDO City Scholarships Office uban sa DepEd- Tumpagon ug Rotaract West CDO diin ang mga kabatan-onan gihatagan sa usa ka espasyo kon classroom sa DepEd- Tumpagon National High School nga anaa usab internet modem ug wifi booster nga aduna'y internet

 

 

subscription for 3 months gikan sa Rotaract West CDO; school supplies gikan sa City Scholarships Office ug face masks gikan ni Committee on Education Chairperson City Councilor Suzette Magtajas-Daba.

Ang classroom makaakomodar og 40 ka estudyante apan tungod sa COVID-19, gilimitahan lamang sa 50% capacity ang makagamit niini.

 

Bukas kini matag adlaw sugod alas 8:00 sa buntag hangtud alas 5:00 sa hapon.

Adunay 36 ka city scholars nga nagpuyo sa barangay Tumpagon ug makabenepisyo niini.

Samtang, gilusad usab sa CSO ang Alumni Tracer aron magsilbing network alang adtong mga migradwar na nga city scholar. (Nica Borja/Photos courtesy of CSO)